Mayan Green er fyrsta flokks heilsurúm úr smiðjum Lystadún-Snæland sem hefur framleitt íslensk heilsurúm í yfir 71 ár.
Mayan Green er unnin úr 100% Talalay náttúrulatex og er klædd í dýnuver úr 100% lífrænum bómul. Lystadún-Snæland og Vogue leggja mikla áherslu á að vinna einungis úr fyrsta flokks hráefni og því er allur latex sem notaður er í dýnurnar okkar með Oeko-Tex Standard 100 umhverfisvottun.
Mayan Green heilsudýnan er 18cm þykk, fimmsvæðaskipt og einstaklega þægileg latex dýna sem styður vel við bak og axlir og veitir framúrskarandi fjöðrun og þyngdardreifingu. Mayan Green heilsudýnan er afar sveigjanleg og hentar því ótrúlega vel í stillanleg rúm.
Stífleiki
- Hægt er að velja um mjúka eða stífa dýnu. Sömuleiðis er hægt að velja „Mjúk / Stíf“ og þá smíðum við dýnuna þannig að einn helmingur dýnunnar er mjúkur og hinn stífur.
Dýnuver
- Innofa Organic Cotton dýnuverið er gert úr 100% lífrænni bómull. Lífræn bómull er ræktuð og unnin án þess að nota nokkurskonar eiturefni eða litarefni, og er því betri fyrir umhverfið og heilsuna. Að auki hefur lífræn bómull mun lægra kolefnisspor.
- Ólíkt flestum innfluttum dýnum er rennilás á dýnuverunum okkar. Það þýðir að hægt er að klæða dýnurnar úr og þvo dýnuverið sem er auðvitað algjört lykilatriði í góðri umhirðu dýnunnar þinnar.
- Innofa Organic Cotton dýnuverið má þvo á 30° Celsius. Það má ekki strauja, setja í þurrkara, þurrhreinsa eða setja í klór til þess að koma í veg fyrir að það skreppi saman.
Stuðningur og þægindi
- Mayan Green Multizone™ – Heill 18 cm þykkur burðarkjarni (mjúkur eða stífur) úr gríðarlega efnismiklum 100% Talalay náttúrulatex. Mayan Green Multizone™ kjarninn er með 5 stífleikasvæði með 2 misstífum svefnflötum sem tryggja góða þyngdardreifingu og veita fullkominn stuðning við helstu álagspunkta líkamans, bak og axlir.
Steyptar loftrásir eru í kjarnanum sem veita einstaklega góða öndun og bæta loftflæði.
-
Burðarkjarninn í Mayan Green er úr 100% Talalay náttúrulatex.
Talalay náttúrulatex er gæddur þeim náttúrulegu eiginleikum að veita afbragðs fjöðrun og dempun ásamt því að auðvelda allar svefnhreyfingar. Latex hegðar sér mjög svipað og Memory Foam, það er að segja það lagar sig að öllum líkamanum og gefur eftir á mestu álagspunktunum. Ólíkt Memory Foam hinsvegar skilar latex sér strax til baka þegar þú veltir þér á hliðina, og þar af leiðandi er alveg ótrúlega auðvelt að hreyfa sig í latex dýnum.
- Latex er líka hráefni sem að heldur alveg einstaklega vel lögun sinni, og eru latex dýnur því með mun lengri líftíma en aðrar dýnur.
- Svo skemmir nú ekki fyrir að latex er náttúrulega örveirueyðandi að eðlisfari, og er ekki ofnæmisvaldandi. Ertu með latex ofnæmi? Engar áhyggjur. Prótínin í latex sem þú ert með ofnæmi fyrir eru óvirkjuð í framleiðslunni, og því algerlega skaðlaus þegar dýnan skilar sér til þín.
- Náttúrulatex er unnin úr safa gúmmítrésins Hevea Brasiliensins. Í tilfelli Mayan Green kemur þessi latexsafi úr trjám í FSC vottuðum skógi í Guatemala.
Kantar
- Mayan Green Multizone™ latex kjarninn er steyptur í mót sem hefur þau áhrif að kantarnir á dýnunni verða náttúrulega sterkbyggðir. Þetta gerir það að verkum að svefnflöturinn stækkar og að engin hætta er á að maður renni út á gólf þegar sest er á rúmkantinn.
Rúmbotn
- Við sérsmíðum okkar eigin rúmbotna sem eru einstaklega sterkir viðarbotnar samsettir úr MDF og furu. Við bólstrum einnig rúmbotnana og er hægt að velja um ótal mismunandi liti og áklæði (t.d. leðurlíki, tau, velúr ofl.).
-
Lystadún-Snæland heilsudýnur og rúmbotnar eru framleiddar eftir pöntunum. Biðtími eftir pöntunum er því 3-4 vikur að jafnaði.
Framleiðsluland
- Allar Lystadún-Snæland dýnur eru framleiddar af Vogue fyrir Heimilið í Síðumúla 30.
Ábyrgð
- 5 ára framleiðsluábyrgð er á öllum Lystadún-Snæland dýnum.
Vottanir
- Vogue notar einungis hráefni vottuð með Oeko-Tex Standard 100 umhverfisvottuninni við framleiðslu á öllum sínum heilsudýnum, rúmbotnum og höfðagöflum. Það þýðir að neytendur geta gengið að því vissu að Lystadún-Snæland heilsudýnur, rúmbotnar og höfðagaflar eru úr hráefnum sem eru laus við hættuleg eða skaðleg efni sem voru unnin með lágmörkun á umhverfisáhrifum að leiðarljósi.
- Allur svampur sem Vogue notar í Lystadún-Snæland heilsudýnur, rúmbotna og höfðagafla er fenginn frá stærsta svampframleiðanda í heimi, Carpenter Co. Allur sá svampur er vottaður með Oeko-Tex Standard 100.
- Allur latex sem Vogue notar í Lystadún-Snæland Hafdís og Mayan Green heilsudýnurnar sínar er fenginn frá stærsta og virtasta latexframleiðanda í Evrópu, Artilat. Latex frá Artilat er allur vottaður með Oeko-Tex Standard 100 og Rainforest Alliance umhverfisvottunum, og er meðlimur í Forest Stewardship Council (FSC-C135311) samtökunum.
