Skilmálar

Varðandi viðskipti í verslunum Vogue ehf

Yfirlit

Til að stunda viðskipti í vefverslun þarf að framkvæma eftirfarandi skref:

  • Velja vöru og setja hana í körfu.
  • Velja “Ganga frá pöntun” og fylla út allar nauðsynlegar upplýsingar um viðskiptavin.
  • Velja viðeigandi sendingar og greiðslumáta.
  • Ganga frá greiðslu.

Þegar greiðsla hefur borist Vogue ehf. fær viðskiptavinur senda kvittun fyrir kaupunum í tölvupósti. Þegar sú kvittun hefur borist hefur rafrænn kaupsamningur verið gerður milli vefverslun Vogue og viðskiptavins.

1. Skila og skiptiréttur

1.1 - Skilaréttur á vörum versluðum í starfstöðvum Vogue fyrir heimilið
  • Viðskiptavinum Vogue fyrir heimilið er heimilt að skila ógallaðri vöru í 7 (sjö) daga frá afhendingu vörunnar.
  • Við skil á ógallaðri vöru innan 7 (sjö) daga frá afhendingu vörunnar er vara endurgreidd á sama máta og greitt var fyrir þær gegn framvísun kassakvittunar.
  • Vörur sem merktar eru með gjafamiða gera kassakvittun óþarfa við skil, en þá er endurgreiðsla í formi inneignarnótu.
1.2 - Skilaréttur á vörum versluðum í vefverslun Vogue fyrir heimilið

Um vörur verslaðar í fjarsölu eða utan starfstöðva Vogue fyrir heimilið, til að mynda í vefverslun, gildir eftirfarandi ákvæði. Viðskiptavinur vefverslunar Vogue fyrir heimilið hefur 14 (fjórtán) daga frest til að falla frá kaupsamning og þarf ekki að tilgreina neina ástæðu fyrir því.
Til að mega nýta sér þennan rétt þarf viðskiptavinur að tilkynna vefverslun Vogue fyrir heimilið ákvörðun sína um að falla frá samningi. Hægt er að tilkynna þessa ákvörðun með því að:

Nauðsynlegt er að ofangreind tilkynning berist í skrifuðu formi, þar sem sönnunarbyrði um að vefverslun Vogue fyrir heimilið hafi borist sú ákvörðun viðskiptavinar að falla frá kaupsamningi hvílir á neytanda.

1.3 - Takmarkanir og skilyrði

Eftirfarandi takmarkanir eða skilyrði gilda um skil eða skipti á vörum keyptum í verslunum Vogue fyrir heimilið:

  • Einungis er endurgreitt fyrir þær vörur sem er skilað. Sendingarkostnaður er einungis endurgreiddur sé allri pöntuninni skilað.
  • Vörur eru endurgreiddar á sama máta og greitt var fyrir þær.
  • Ef vörur voru verslaðar með lántöku í gegnum Síminn Pay, Pei, Netgíró eða Aur verður endurgreiðsla í formi niðurfellingu kröfu hjá því félagi sem á við.
  • Óheimilt er að falla frá kaupsamning með því að neita móttöku sendingar. Fyrst þarf að tilkynna Vogue fyrir heimilið skriflega að viðskiptavinur falli frá kaupsamning.
  • Óski viðskiptavinur eftir því að skila vöru með endursendingu fellur sá kostnaður á viðskiptavin og ber viðskiptavinur ábyrgð á að varan skili sér til vefverslunar Vogue fyrir heimilið. Undantekning á þessu er ef að um er að ræða ranga, skemmda eða gallaða vöru.
  • Viðskiptavinur er ábyrgur fyrir þeirri rýrnun á verðgildi vörunnar sem stafar af meðferð hennar, annarri en þeirri sem nauðsynleg er til að staðfesta eiginleika, einkenni og virkni vörunnar. Að öðru leyti þarf varan að vera í upprunalegum umbúðum, óopnuð, ónotuð og óskemmd.
  • Ekki er hægt að skila skorinni metravöru.

Réttur til að falla frá samningi er ógildur í eftirfarandi tilfellum:

“Afhendingar á innsiglaðri vöru sem er ekki hægt að skila vegna lýðheilsusjónarmiða eða af hreinlætisástæðum hafi innsigli verið rofið eftir afhendingu”. Smellið hér fyrir nánari upplýsingar.

Þetta ákvæði á við um eftirfarandi vörur:

    • Handklæði, þvottapokar og baðmottur
    • Servíettur, viskastykki, borðtuskur og klútar
    • Allar hreinlætisvörur eins og t.d. Salernisbursta
    • Sængurver og koddaver
    • Lök, hlífðarlök og dýnuhlífar
    • Sængur og koddar
    • Fatnaður, sokkar og baðsloppar
    • Dýnur og yfirdýnur sem falla ekki lengur undir 30 daga skila og skipti skilmála Vogue fyrir heimilið er varða kaup á dýnum og rúmum.
“Afhendingar á vöru sem er framleidd samkvæmt forskrift neytandans eða ber skýrt auðkenni hans”. Smellið hér fyrir nánari upplýsingar.

Þetta ákvæði á við um eftirfarandi vörur:

Allar framleiðsluvörur sem eru sérframleiddar fyrir viðskiptavin utan staðlaðra stærða Vogue fyrir heimilið. Til dæmis má taka dýnur í hjólhýsi/tjaldvagna, sérskorinn svamp í húsgagnasmíði, sérsmíðaða rúmbotna í óvenjulegum málum og sérsaumaðar/smíðaðar gardínur og gluggatjöld.

Staðlaðar stærðir á rúmbotnum (breidd x lengd) Vogue fyrir heimilið eru eftirfarandi:

    • 80x200cm
    • 80x210cm
    • 90x200cm
    • 90x210cm
    • 91.5x213cm (Half Cal-King Size)
    • 96.5x203cm (Half King-Size)
    • 100x200cm
    • 120x200cm
    • 140x200cm
    • 153x203cm (Queen Size)
    • 160x200cm
    • 180x200cm
    • 183x213cm (Cal-King Size)
    • 180x210cm
    • 193x203cm (King Size)
    • 200x200cm

Staðlaðar stærðir á heilsudýnum (breidd x lengd) Vogue fyrir heimilið eru eftirfarandi:

    • 80x200cm
    • 80x210cm
    • 90x200cm
    • 90x210cm
    • 100x200cm
    • 120x200cm
    • 140x200cm
    • 153x203cm (Queen Size)
    • 160x200cm
    • 180x200cm
    • 183x213cm (Cal-King Size)
    • 180x210cm
    • 193x203cm (King Size)
    • 200x200cm

Staðlaðar stærðir á rúmgöflum (breidd x hæð) Vogue fyrir heimilið eru eftirfarandi:

    • 80x122cm
    • 80x122cm
    • 90x122cm
    • 90x122cm
    • 100x122cm
    • 120x122cm
    • 140x122cm
    • 153x122cm (Queen Size)
    • 160x122cm
    • 180x122cm
    • 183x122cm (Cal-King Size)
    • 180x122cm
    • 193x122cm (King Size)
    • 200x122cm
    • 220x122cm
    • 240x122cm

Staðlaðar stærðir á barnadýnum (lengd x breidd x hæð) Vogue fyrir heimilið eru eftirfarandi:

    • 45x80x6cm (Ferköntuð vöggudýna)
    • 45x80x6cm (Sporöskjulaga vöggudýna)
    • 55x115x8cm
    • 60x120x8cm
    • 70x140x8cm
    • 70x170x8cm
    • 70x140x12cm (lagskipt 7+5cm)
    • 70x170x12cm (lagskipt 7+5cm)
    • 80x140x12cm (lagskipt 7+5cm)
    • 80x170x12cm (lagskipt 7+5cm)
    • 90x140x12cm (lagskipt 7+5cm)
    • 90x170x12cm (lagskipt 7+5cm)
1.4 - Skila- og skiptiréttur á dýnum

Um heilsudýnur keyptar hjá Vogue fyrir heimilið gilda sérstakar skila- og skiptireglur.

  •  Þrjátíu daga skipti- og skilaréttur er á dýnum í stöðluðum stærðum með því skilyrði að kaupandi kaupi hlífðarlak eða dýnuhlíf hjá okkur. 
  • Við skil á dýnu þá er andvirði hennar endurgreitt að frádregnu 15% skilagjaldi. 
  • Vogue fyrir heimilið gerir þá kröfu að sé dýnu skilað eða skipt skuli hún vera óskemmd, í upprunalegum pakkningum og kvittun fylgi með. 
  • Hægt er að skipta dýnu út fyrir aðra innan 30 daga frá afhendingu.
  • Sé skilaðri dýnu skipt út fyrir dýrari dýnu greiðir viðskiptavinur mismuninn.
  • Sé skilaðri dýnu skipt út fyrir ódýrari dýnu endurgreiðir Vogue fyrir heimilið kaupanda mismuninn.
  • Athugið að flutningur er alltaf á kostnað kaupanda. 
  • Sérframleiddum dýnum í óstöðluðum stærðum er hvorki hægt að skila né skipta.

2. Ábyrgðarskilmálar

Í flestum tilfellum gildir almenn íslensk neytendaábyrgð á flestum keyptum vörum í verslunum Vogue fyrir heimilið, en hún er 2 (tvö) ár frá kaupdagsetningu.
Kvittun fyrir kaupunum gildir sem ábyrgðarskírteini vörunnar.

Sumar vörur, eins og til dæmis framleiðsluvörur, eru með lengri ábyrgðartíma. Í þeim tilfellum er slíkt sérstaklega tekið fram.

Vörur sem seldar eru til fyrirtækja eða í atvinnustarfsemi eru með 1 (eins) árs ábyrgðartíma.
Kvartanir vegna vörugalla skulu berast Vogue fyrir heimilið um leið og gallans verður vart.
Tilkynna má um gallaða vöru með tölvupósti á vogue@vogue.is eða í síma 533-3500

Eftirfarandi eru ítarlegir ábyrgðarskilmálar Vogue fyrir heimilið:

Varan sem þú hefur keypt hjá Vogue ehf nýtur ábyrgðar samkvæmt kaupalögum nr. 50/2000.  Þjónustudeildir okkar halda utan um viðhald og ábyrgðarviðgerðir á öllum vörum sem fyrirtækið selur, gerist þess þörf.  Ef einhverjar spurningar vakna þá hikaðu ekki við að  hafa samband við okkur.  Við viljum benda þér á að fylgja uppgefnum leiðbeiningum um rétta notkun og meðferð.  Góð meðferð mun tryggja lengri endingu og áreiðanlegri virkni.

Reikningurinn gildir sem ábyrgðarskírteini fyrir upprunalegan kaupanda.  Reikningnum verður að framvísa ef varan kemur til ábyrgðar, sem sönnun um ábyrgðartíma og að handhafi sé hinn upprunalegi kaupandi.  Glataður reikningur leiðir til glataðrar ábyrgðar.  Einnig er ábyrgð glötuð ef áföst ábyrgðarskírteini eða verksmiðju-, rað- og tegundanúmer hafa verið skemmd eða fjarlægt af vörunni. Ábyrgð á vörum hjá okkur er mismunandi og í sumum tilfellum lengri en kaupalög segja til um.  En áhersla er lögð á, að ábyrgð gildir ekki ef um eðlilegt slit eða rekstrarvöru er að ræða.  Ábyrgðin nær til framleiðslu- og efnisgalla sem fram kunna að koma á vörunni á ábyrgðartímanum. 

Það er á ábyrgð og kostnað kaupandans að koma vörunni til skoðunar eða viðgerðar til þjónustudeildar Vogue ehf ef þess gerist þörf.  Undantekningar geta verið gerðar á þessu ef um nýja og fyrirferðamikla muni er að ræða.  Sé það nauðsynlegt eða þess óskað að viðgerð á ábyrgðartíma fari fram utan þjónustudeildar Vogue ehf, þ.e. að viðgerðarmaður fari á staðinn og geri við eða inni af hendi aðra slíka þjónustu á vörunni, greiðir kaupandi fyrir ferðatíma, ferðakostnað og uppihald samkvæmt gildandi töxtum Vogue ehf.Athygli skal vakin á , að vörur sem sendar eru með 3ja aðila teljast afhentar þegar þær eru afhentar flutningsaðila og eru þá á ábyrgð kaupanda.  Það er á ábyrgð kaupanda að tryggja vöru sem send er með 3ja aðila.

Nánar um söluveð:

Seljandi á söluveð í öllum hinum seldu munum til tryggingar samanlögðu kaupverði á framhlið reiknings þessa, ásamt vöxtum og kostnaði samkvæmt lögum 35.gr nr. 75/1997 um samningsveð.  Standi kaupandi ekki í skilum með framangreint kostnaðarverð, er seljanda heimilt hvort heldur hann vill, láta selja hið veðsetta nauðungarsölu til fullnustu kröfu sinni eða rifta söluveðsetningunni og krefjast afhendingar hins veðsetta.  Söluveð fellur ekki niður af hinum seldu munum fyrr en við fullnaðargreiðslu.  Sama á við um vörur sem greiddar eru með raðgreiðslusamningum.  Óheimilt er að selja hið veðsetta, breyta því eða skeyta við aðra hluti þannig að hætta sé á að söluveð glatist. 

3. Afhendingarmátar

Vogue fyrir heimilið býður upp á breytilega afhendingarmáta eftir því hvort eigi að sækja eða senda pantanir. Sömuleiðis geta afhendingarmátar verið mismunandi eftir póstnúmeri.

Vogue kaupir sendingarþjónustu af þriðja aðila og ber ekki ábyrgð á töfum sem koma upp eftir að pöntun hefur verið afhent sendingaraðila.
Afhendingartími getur verið breytilegur eftir því hvaða sendingarmáti er valinn. Á álagstímum getur afhendingartími orðið lengri en almennt má búast við.

Lesa má nánar um þá afhendingarmáta sem vefverslun Vogue fyrir heimilið býður uppá með því að smella hér.

4. Afhendingartími

4.1 - Almennur afhendingartími

Vogue fyrir heimilið leggur sig fram við að afgreiða vörur eins hratt og auðið er. Eftirfarandi afhendingartímar eiga við um starfstöðvar Vogue fyrir heimilið:

  • Smávörur verslaðar í starfstöðvum Vogue fyrir heimilið eru afgreiddar viðskiptavini samdægurs svo framarlega sem þær séu til á lager.
  • Húsgögn og aðrar stærri vörur verslaðar í starfstöðvum Vogue fyrir heimilið eru afgreiddar viðskiptavini samdægurs svo framarlega sem þær séu til á lager. Stærri vörur eru einungis afgreiddar á afgreiðslutíma lagers. Sjá má afgreiðslutíma hér.
4.2 - Afhendingartími úr vefverslun

Eftirfarandi afhendingartímar eiga við um vefverslun Vogue fyrir heimilið:

  • Smávörur verslaðar í vefverslun Vogue sem viðskiptavinur óskar eftir að sækja í verslun eru almennt afgreiddar næsta virka dag svo framarlega sem varan sé til á lager. 
  • Húsgögn og aðrar stærri vörur verslaðar í vefverslun Vogue sem viðskiptavinur óskar eftir að sækja í verslun eru almennt afgreiddar næsta virka dag svo framarlega sem varan sé til á lager. Stærri vörur eru einungis afgreiddar á afgreiðslutíma lagers. Sjá má afgreiðslutíma hér.
  • Afgreiðslutími getur verið breytilegur sé óskað eftir sendingu. Lesa má nánar um þá fjölbreyttu sendingarmáta sem Vogue býður upp á hér.
4.3 - Afhendingartími á framleiðsluvörum

Eftirfarandi afhendingartímar eiga við um vörur sérframleiddar af Vogue:

  • Framleiðsluvörur á við dýnur, rúm, rúmgafla, svefnsófa, stuðningspúða og dýnuver sem ekki eru til á lager eru að jafnaði afgreiddar 10 - 15 virkum dögum eftir pöntun. Á álagstímum má gera ráð fyrir að afgreiðslutími geti lengst.
  • Framleiðsluvörur á við gluggatjöld, gardínur og gardínubrautir getur verið breytilegur eftir tegund, umfangi pöntunarinnar og álagstímum. Vinsamlegast hafið samband við sölufulltrúa til að fá nákvæmari afhendingartíma.

5. Gluggatjöld - Máltaka og uppsetning

Vogue fyrir heimilið býður viðskiptavinum sínum uppá máltöku og ráðgjöf gegn sanngjörnu verði. Eftirfarandi skilmálar gilda um máltökur fyrir gluggatjöld, gardínur og gardínubrautir verslaðar í Vogue fyrir heimilið:

  • Vogue fyrir heimilið ber einungis fulla ábyrgð á útseldri máltöku.
  • Útvegi viðskiptavinur sjálfur mál þá ber viðskiptavinurinn fulla ábyrgð á þeirri máltöku.

Eftirfarandi skilmálar gilda um uppsetningar á gluggatjöldum, gardínum og gardínubrautum versluðum í Vogue fyrir heimilið:

  • Sjái Vogue um uppsetningu ber kaupandi fulla ábyrgð á að kanna hvort lagnir eða annað séu í vegi eða innan veggja sem setja á upp á. 
  • Kaupandi ber fulla ábyrgð á því að hægt sé að festa/hengja viðkomandi hlut upp á þann stað sem beðið er um án þess að lagnir eða annað verði fyrir skemmdum.
  • Fari svo að lagnir eða annað verði fyrir skemmdum við uppsetningu ber kaupandi fulla ábyrgð.

6. Um vöruverð í vefverslun Vogue

Vöruverð í vefverslun Vogue er að jafnaði það sama og í verslunum okkar. Vöruúrval, afslættir og tilboð geta hinsvegar verið breytileg milli vefverslunar og verslana.

  • Vöruverð í vefverslun er tilgreint með virðisaukaskatti en án sendingarkostnaðar.
  • Verð í vefverslun getur breyst án fyrirvara og öll verð eru birt með fyrirvara um innsláttarvillur sem og prentvillur.
  • Birgðastaða, myndir og vörulýsingar í vefverslun Vogue fyrir heimilið eru birtar með fyrirvara um villur.
  • Í einstaka tilfellum getur vara klárast á milli þess sem pöntun er gerð og þar til hún er tekin saman, eða þá að birgðastaða er röng sem gerir viðskiptavin kleift að versla vöru sem ekki er til.
    Í þeim tilfellum mun starfsfólk vefverslunar Vogue fyrir heimilið hafa samband við viðkomandi viðskiptavin símleiðis eða í tölvupósti og aðstoða hann við val á annarri vöru, eða endurgreiða honum vöruna til fulls.
  • Allur sendingarkostnaður er tilgreindur í greiðsluferlinu. Enginn aukakostnaður á að leggjast á vörukaup eftir að greiðsluferlinu er lokið, nema viðskiptavinur óski eftir því að breyta skilyrðum sendingarinnar og að þau breyttu skilyrði feli í sér aukinn kostnað.

 

7. Greiðslumátar í vefverslun

Greiðslumátar í vefverslun

Eftirfarandi greiðslumátar eru í boði þegar verslað er í vefverslun Vogue fyrir heimilið:

  • Kredit- og debetkort í gegnum örugga greiðslugátt Valitor. Greiðsla er skuldfærð strax af kortinu.
  • Síminn Pay: Greiðsla fer fram í Síminn Pay appinu og samkvæmt þeirra skilmálum. Hægt er að nýta sér raðgreiðslur með Síminn Pay. Nánari upplýsingar og skilmála má nálgast á heimasíðu Síminn Pay.
  • Netgíró: Greiðsla fer fram í Netgíró appinu og samkvæmt þeirra skilmálum. Hægt er að nýta sér raðgreiðslur með Netgíró. Nánari upplýsingar og skilmála má nálgast á heimasíðu Netgíró.
  • Pei: Greiðsla fer fram í Pei appinu og samkvæmt þeirra skilmálum. Hægt er að nýta sér raðgreiðslur með Pei. Nánari upplýsingar og skilmála má nálgast á heimasíðu Pei. 
  • AUR: Greiðsla fer fram í AUR appinu og samkvæmt þeirra skilmálum. Nánari upplýsingar og skilmála má nálgast á heimasíðu Aur.

8. Persónuvernd og vafrakökur

9. Ágreiningur

Reynt er að leysa öll mál á sem einfaldastan hátt. Ef það er ekki mögulegt er hægt að bera málið undir Kærunefnd þjónustu og lausafjárkaupa hjá Neytendastofu.

Lokaúrræði er að fara með málið fyrir dómstóla og skal það gert í íslenskri lögsögu fyrir Héraðsdómi Reykjavíkur skv. ákvæðum laga nr. 91/1991.

Ekki hika við að hafa samband

Við svörum öllum fyrirspurnum og spurningum eftir bestu getu eins fljótt og auðið er. Sendu okkur tölvupóst með því að smella á hnappinn hér fyrir neðan, eða hafðu samband á Facebook eða Instagram.