HAFDÍS 26 – Einbreitt Heilsurúm (80 – 140cm)

235.700kr.416.400kr.

Hafdís 26 er heimsklassa heilsudýna úr smiðju Lystadún Snæland og Vogue. Hafdís 26 er fimmsvæðaskipt latexdýna unnin úr hágæða latexblöndu með auka þægindalagi úr fyrsta flokks kaldsvampi.

Latexdýnur henta mjög vel þeim sem vilja mikinn stuðning og aðlögun við líkamann, góða dempun og/eða fólk með ofnæmi.

Hafdís 26 er einnig fáanleg sem tvíbreitt rúm sem má skoða hér.

Íslensk hönnun – Íslensk framleiðsla.

Vörumerki

VNR: hafdis-26-heilsurum-1

Hér er á ferðinni fyrsta flokks heilsurúm úr smiðju Lystadún-Snæland sem hefur framleitt íslensk heilsurúm í yfir 70 ár. Lystadún-Snæland og Vogue leggja mikla áherslu á að vinna einungis úr fyrsta flokks hráefni og því er allur svampur sem notaður er í dýnurnar okkar með Oeko-Tex Standard 100 umhverfisvottun.

Hafdís 20 eða 26 - Hver er munurinn?

Munurinn á Hafdís 20 og Hafdís 26 er auka þægindalagið.

Þægindalagið er efsta lagið á dýnunni sem gefur dýnunni þá yfirborðsmýkt sem þarf til að taka við lögun líkamans. Mannslíkaminn er eins misjafn og við erum mörg og því er ekki ein lausn sem hentar öllum.

Hafdís 20 er ekki með viðbættu þægindalagi því latex kjarninn er steyptur á þann hátt að hann mótar sitt eigið þægindalag.

En hvað ef þér finnst millistífa dýnan aðeins of stíf undir axlirnar, eða mjúka dýnan ekki alveg nógu mjúk undir mjaðmirnar? Þá bætum við öðru 5cm þægindalagi af svampi ofan á Hafdís 20.

Hafdís 26 er þar af leiðandi með viðbættu þægindalagi úr 5cm kaldsvampi sem fínstillir yfirborðsmýktina akkúrat eins og þú vilt hafa hana.

Einn annar kostur við það að velja dýnu með auka þægindalagi er sá að þá verður það aðal slitflöturinn á dýnunni. Þegar efsta lagið verður farið að mýkjast um of þá er einfalt mál að skipta því út fyrir nýtt þægindalag frá okkur. Þannig er búið að lengja líftíma dýnunnar þinnar til muna.

Stífleiki

Hægt er að velja um mjúka eða stífa dýnu. 

Dýnuver

Innofa™ dýnuverið er gert úr sterku og teygjanlegu pólýester sem að tryggir góða endingu. Dýnuverið er sömuleiðis vatterað sem að eykur yfirborðsþægindi dýnunar og bætir kælingu.

Ólíkt flestum innfluttum dýnum er rennilás á dýnuverunum okkar. Það þýðir að hægt er að klæða dýnurnar úr og þvo dýnuverið sem er auðvitað algjört lykilatriði í góðri umhirðu dýnunnar þinnar.

Innofa™ dýnuverið má þvo á 30°C.

Stuðningur og þægindi

Í Hafdís 26 er fimm svæða 20cm þykkur latex kjarni úr vandaðri latexblöndu frá Artilat í Hollandi. Hægt er að hafa latex kjarnann mjúkan eða millistífan. 

Latex kjarninn er fimmsvæðaskiptur, sem þýðir það að hann gefur betur eftir undir öxlum og herðum á sama tíma og hann styður þétt undir mjóbakið.

Að auki er latex kjarninn með steyptum loftrásum sem veita frábæra öndun og bæta loftflæðið.

Hægt er að velja um tvær tegundir af 5cm kaldsvampi í efsta lag dýnunnar. Hvor svampur hefur sína eiginleika sem breyta yfirborðsmýktinni.

  • Supersoft (MD) - Millistífur og léttur kaldsvampur sem veitir góðan stuðning og léttir á álagi á baki og öxlum.
  • Waterlily (WL) - Mjúkur og efnismikill kaldsvampur sem veitir mikla yfirborðsmýkt og tekur vel á móti lögun líkamans. Göt í svampinum auka öndun og stuðla þannig að betri hitastýringu
Meira um Latex
  • Burðarkjarninn í Hafdísi er hágæða latexblanda frá Artilat í Hollandi.
    Latexblandan samanstendur af 70% latexlíki (unnið úr hráolíu) og 30% náttúrulatex (unnið úr gúmmitrjákvoðu, einnig þekkt sem latexmjólk).
    Latexlíki er ein af mörgum tegundum gúmmís sem unnið eru úr hráolíu og býr yfir þúsundum notagilda. Eitt og sér hinsvegar þykir það frekar stíft og ekkert sérlega gott í dýnugerð, en þegar því er blandað við náttúrulatex er hægt að ná fram mun meiri mýkt, teygju og öndun.
    Þessi latexblanda þykir því alveg sérstaklega góð í dýnugerð, þó hún nái aldrei sömu eiginleikum og 100% náttúrulatex (sem kostar líka talsvert meira).
  • Latex er þeim einstöku eiginleikum gætt að það veitir alveg einstaka fjöðrun og dempun, á sama tíma og það veitir ótrúlega jafnan og þéttan stuðning við allan líkamann. Latex hegðar sér mjög svipað og Memory Foam, það er að segja það lagar sig að öllum líkamanum og gefur eftir á mestu álagspunktunum. Ólíkt Memory Foam hinsvegar skilar latex sér strax til baka þegar þú veltir þér á hliðina, og þar af leiðandi er alveg ótrúlega auðvelt að hreyfa sig í latex dýnum.
  • Latex er líka hráefni sem að heldur alveg einstaklega vel lögun sinni, og eru latex dýnur því með mun lengri líftíma en aðrar dýnur.
  • Svo skemmir nú ekki fyrir að latex er náttúrulega örveirueyðandi (drepur rykmaura og myglusvepp) að eðlisfari og er ekki ofnæmisvaldandi.
    Ertu með latex ofnæmi? Engar áhyggjur. Prótínin í latex sem þú ert með ofnæmi fyrir eru óvirkjuð í framleiðslunni, og því algerlega skaðlaus þegar dýnan skilar sér til þín. Ef þú vilt vera alveg viss þá getum við lánað þér bút af latexi sem þú getur tekið með þér heim til að vera viss um að latex dýnur henti þér.
Kantar

Latex kjarninn er steyptur í mót sem hefur þau áhrif að kantarnir á dýnunni verða náttúrulega sterkbyggðir. Þetta gerir það að verkum að svefnflöturinn stækkar og að engin hætta er á að maður renni út á gólf þegar sest er á rúmkantinn.

Rúmbotn

Við sérsmíðum okkar eigin rúmbotna sem eru einstaklega sterkir viðarbotnar samsettir úr MDF og furu.

Við bólstrum einnig rúmbotnana og er hægt að velja um ótal mismunandi liti og áklæði (t.d. leðurlíki, tau, velúr ofl.).

Afhendingartími

Lystadún-Snæland heilsudýnur og rúmbotnar eru framleiddar eftir pöntunum. Biðtími eftir pöntunum er því 3-4 vikur að jafnaði.

Framleiðsluland

Allar Lystadún-Snæland dýnur eru framleiddar af Vogue fyrir Heimilið í Síðumúla 30.

Ábyrgð

5 ára framleiðsluábyrgð er á öllum Lystadún Snæland heilsudýnum.

Vottanir

Vogue notar einungis hráefni vottuð með Oeko-Tex Standard 100  umhverfisvottuninni við framleiðslu á öllum sínum heilsudýnum, rúmbotnum og höfðagöflum. Það þýðir að neytendur geta gengið að því vissu að Lystadún-Snæland heilsudýnur, rúmbotnar og höfðagaflar eru úr hráefnum sem eru laus við hættuleg eða skaðleg efni sem voru unnin með lágmörkun á umhverfisáhrifum að leiðarljósi.

Allur svampur sem Vogue notar í Lystadún-Snæland heilsudýnur, rúmbotna og höfðagafla er fenginn frá stærsta svampframleiðanda í heimi, Carpenter Co. Allur sá svampur er vottaður með Oeko-Tex Standard 100.

Allur latex sem Vogue notar í Lystadún-Snæland Hafdís og Mayan Green heilsudýnurnar sínar er fenginn frá stærsta og virtasta latexframleiðanda í Evrópu, Artilat. Latex frá Artilat er allur vottaður með Oeko-Tex Standard 100 og Rainforest Alliance umhverfisvottunum, og er meðlimur í Forest Stewardship Council (FSC-C135311) samtökunum.

Finnur þú ekki þína stærð?

Við sérsmíðum dýnur í öllum stærðum og gerðum. Sendu okkur línu með því að smella á hnappinn hér fyrir neðan og ráðgjafi frá okkur mun hjálpa þér að smíða draumadýnuna þína.

Rammaðu inn nýja rúmið þitt með fallegum rúmgafli