Glódís 23 – Heilsudýna

Hér er á ferðinni fyrsta flokks heilsudýna úr smiðju Lystadún-Snæland. Lystadún-Snæland og Vogue leggja mikla áherslu á að vinna einungis úr fyrsta flokks hráefni og því er allur svampur sem notaður er í dýnurnar okkar vottaður með Oeko-Tex Standard 100 umhverfisvottun.

Glódís heilsudýnan er fimmsvæðaskipt pokagormadýna fyrir þá sem vilja góðan stuðning, fjöðrun og dempun.
Settu saman þína eigin draumadís!

Stífleiki

• Hægt er að velja um mjúka eða stífa dýnu. Á stærri dýnum er hægt að velja „Mjúk / Stíf“ og þá smíðum við dýnuna þannig að einn helmingur dýnunnar er mjúkur og hinn stífur.

Dýnuver

• Innofa Vatt™ dýnuverið er gert úr sterku og teygjanlegu pólýester sem að tryggir góða endingu. Dýnuverið er sömuleiðis vatterað sem að eykur yfirborðsþægindi dýnunar og bætir kælingu.
• Ólíkt flestum innfluttum dýnum er rennilás á dýnuverunum okkar. Það þýðir að hægt er að klæða dýnurnar úr og þvo dýnuverið sem er auðvitað algjört lykilatriði í góðri umhirðu dýnunnar þinnar.
• Innofa Vatt™ dýnuverið má þvo á 30°C.

Stuðningur og þægindi

• Mýkri útgáfan er samsett úr 15cm af ComfiSpring pokagormakerfi og 5cm af mjúkum Supersoft kaldsvampi.
  ​Stífari útgáfan er samsett úr 15cm af ComfiSpring pokagormakerfi og 5cm af stífum Rigifoam kaldsvampi.

• ComfiSpring pokagormakerfið er háþróað og fimmsvæðaskipt. Hver einasti gormur er sérinnpakkaður í nylon poka og festur við næsta gorm með þriggja punkta festingu. Að auki eru gormarnir svokallaðir tunnugormar og geta því lagst alveg flatir án þess að stoppa á sjálfum sér. Allt þetta gerir það að verkum að gormakerfið lagar sig að þér á réttum stöðum, gefur eftir undir öxlunum á þér, og í þokkabót flyst hreyfing síður á milli svefnsvæða.

Kantar

• Kantarnir á Glódís dýnunum eru sérstaklega styrktir með stífum kaldsvampi. Þetta stækkar svefnflötin og gerir það að verkum að engin hætta er á að maður renni út á gólf þegar sest er á rúmkantinn.

• Lystadún-Snæland heilsudýnur eru framleiddar eftir pöntunum. Biðtími eftir pöntunum er um 7-10 virkir dagar að jafnaði.

Framleiðsluland

• Allar Lystadún-Snæland dýnur eru framleiddar af Vogue fyrir Heimilið í Síðumúla 30.

Ábyrgð

• 5 ára framleiðsluábyrgð er á öllum Lystadún-Snæland dýnum.

Vottanir

• Vogue notar einungis hráefni vottuð með Oeko-Tex Standard 100  umhverfisvottuninni við framleiðslu á öllum sínum heilsudýnum, rúmbotnum og höfðagöflum. Það þýðir að neytendur geta gengið að því vissu að Lystadún-Snæland heilsudýnur, rúmbotnar og höfðagaflar eru úr hráefnum sem eru laus við hættuleg eða skaðleg efni sem voru unnin með lágmörkun á umhverfisáhrifum að leiðarljósi.
• Allur svampur sem Vogue notar í Lystadún-Snæland heilsudýnur, rúmbotna og höfðagafla er fenginn frá stærsta svampframleiðanda í heimi, Carpenter Co. Allur sá svampur er vottaður með Oeko-Tex Standard 100.