HAFDÍS 26 – Heilsudýna

Hér er á ferðinni fyrsta flokks heilsudýna úr smiðju Lystadún-Snæland. Lystadún-Snæland og Vogue leggja mikla áherslu á að vinna einungis úr fyrsta flokks hráefni og því er allur latex sem notaður er í dýnurnar okkar með Oeko-Tex Standard 100 umhverfisvottun.

Hafdís 26 heilsudýnan er fimmsvæðaskipt latexdýna með þykku þægindalagi fyrir aukna yfirborðsmýkt.

Stífleiki

• Hægt er að velja um mjúka eða stífa dýnu. Sömuleiðis er hægt að velja „Mjúk / Stíf“ og þá smíðum við dýnuna þannig að einn helmingur dýnunnar er mjúkur og hinn stífur.

Dýnuver

• Innofa™ dýnuverið er gert úr sterku og teygjanlegu pólýester sem að tryggir góða endingu. Dýnuverið er sömuleiðis vatterað sem að eykur yfirborðsþægindi dýnunar og bætir kælingu.
• Ólíkt flestum innfluttum dýnum er rennilás á dýnuverunum okkar. Það þýðir að hægt er að klæða dýnurnar úr og þvo dýnuverið sem er auðvitað algjört lykilatriði í góðri umhirðu dýnunnar þinnar.
• Innofa™ dýnuverið má þvo á 30°C.

Þægindalag

• 5cm hágæða kaldsvampur.
  • Supersoft – Millistífur og léttur kaldsvampur sem veitir góðan stuðning og léttir á álagi á baki og öxlum.

Stuðningur

• Kjarninn í mýkri útgáfunni er samsettur úr 16cm Artilat latex burðarkjarna og 4cm af mjúkum Supersoft (MD) kaldsvampi.
  Kjarninn í stífari útgáfunni er samsettur úr 16cm Artilat latex burðarkjarna og 4cm af stífum  kaldsvampi.
• Latex kjarninn er fimmsvæðaskiptur, sem þýðir það að hann gefur eftir undir öxlunum þegar við liggjum á hlið á sama tíma og styður þétt undir mjóbakið. Latex kjarninn er líka með steyptum loftrásum sem veita frábæra öndun og bæta loftflæðið.

• Burðarkjarninn í Hafdísi er 100% Artilat latex. Latex er þeim einstöku eiginleikum gætt að það veitir alveg einstaka fjöðrun og dempun, á sama tíma og það veitir ótrúlega jafnan og þéttan stuðning við allan líkamann. Latex hegðar sér mjög svipað og Memory Foam, það er að segja það lagar sig að öllum líkamanum og gefur eftir á mestu álagspunktunum. Ólíkt Memory Foam hinsvegar skilar latex sér strax til baka þegar þú veltir þér á hliðina, og þar af leiðandi er alveg ótrúlega auðvelt að hreyfa sig í latex dýnum.

• Latex er líka hráefni sem að heldur alveg einstaklega vel lögun sinni, og eru latex dýnur því með mun lengri líftíma en aðrar dýnur.
• Svo skemmir nú ekki fyrir að latex er náttúrulega örveirueyðandi að eðlisfari, og er ekki ofnæmisvaldandi. Ertu með latex ofnæmi? Engar áhyggjur. Prótínin í latex sem þú ert með ofnæmi fyrir eru óvirkjuð í framleiðslunni, og því algerlega skaðlaus þegar dýnan skilar sér til þín.

Kantar

• Latex kjarninn er steyptur í mót sem hefur þau áhrif að kantarnir á dýnunni verða náttúrulega sterkbyggðir. Þetta gerir það að verkum að svefnflöturinn stækkar og að engin hætta er á að maður renni út á gólf þegar sest er á rúmkantinn.

• Lystadún-Snæland heilsudýnur og rúmbotnar eru framleiddar eftir pöntunum. Biðtími eftir pöntunum er um 7-10 virkir dagar að jafnaði.

Framleiðsluland

• Allar Lystadún-Snæland dýnur eru framleiddar af Vogue fyrir Heimilið í Síðumúla 30.

Ábyrgð

• 5 ára framleiðsluábyrgð er á öllum Lystadún-Snæland dýnum.

Vottanir

• Vogue notar einungis hráefni vottuð með Oeko-Tex Standard 100  umhverfisvottuninni við framleiðslu á öllum sínum heilsudýnum, rúmbotnum og höfðagöflum. Það þýðir að neytendur geta gengið að því vissu að Lystadún-Snæland heilsudýnur, rúmbotnar og höfðagaflar eru úr hráefnum sem eru laus við hættuleg eða skaðleg efni sem voru unnin með lágmörkun á umhverfisáhrifum að leiðarljósi.
• Allur svampur sem Vogue notar í Lystadún-Snæland heilsudýnur, rúmbotna og höfðagafla er fenginn frá stærsta svampframleiðanda í heimi, Carpenter Co. Allur sá svampur er vottaður með Oeko-Tex Standard 100.
• Allur latex sem Vogue notar í Lystadún-Snæland Hafdís og Mayan Green heilsudýnurnar sínar er fenginn frá stærsta og virtasta latexframleiðanda í Evrópu, Artilat. Latex frá Artilat er allur vottaður með Oeko-Tex Standard 100 og Rainforest Alliance umhverfisvottunum, og er meðlimur í Forest Stewardship Council (FSC-C135311) samtökunum.