Saga fjölskyldufyrirtækisins ester & erik er ástarsaga tveggja einstaklinga og ástríðu þeirra fyrir fallegum kertum og hágæða handverki. Eftir áratugalangan draum um að bjóða upp á fyrsta flokks og einstaklega vönduð kerti hófu hjónin Ester og Erik Møller framleiðslu á þeim árið 1987 í bænum Silkeborg í Danmörku. Frá upphafi hafa þau einungis notast við náttúruleg hráefni úr hæsta gæðaflokki og er kennimerkið þeirra, með litla hjartanu í miðjunni, orðið heimsfrægt sem merki um gæði, vönduð vinnubrögð og að sjálfsögðu handgerð kerti sem eiga sér enga líka.
Efni: Kertið er búið til úr 100% lyktarlausu paraffín vaxi frá einum virtasta vax framleiðanda Evrópu. Kertið er framleitt í verksmiðju ester & erik í Danmörku, og þráðurinn er úr 100% bómull.
Fótur: Fótur kertisins er keilulaga, sem þýðir að kertið passar í langflesta kertastjaka.
Sjálfslökkvandi: Kertið er sjálfslökkvandi, þannig að loginn deyr út u.þ.b. 2-3 sentímetrum frá botninum (til að gæta alls öryggis þá mælum við hinsvegar með að skilja aldrei eftir logandi kerti án eftirlits).
Góð ráð: Við mælum með að nota kertaslökkvara til að slökkva á kertum. Þetta kemur í veg fyrir reyk og tryggir að engin glóð verði eftir í þræðinum. Kertaslökkvari kæfir logann algjörlega og þá helst þráðurinn líka heill.
Fyrir lökkuð kerti, eða kerti með gull eða silfur húðun, er mikilvægt – eftir að slökkt hefur verið á kertinu með kertaslökkvara – að fjarlægja ysta lag lakksins frá dældinni í kringum þráðinn þannig að hægt sé að kveikja á kertinu aftur án vandræða.
Til að tryggja það að kertið brenni sem best mælum við með að halda þræðinum stuttum, hafa a.m.k. 10cm á milli kerta, og forðast það að hafa kertin fyrir ofan ofn og forðast dragsúg.
